MERCON

Tedjo pethuk ambek konco lawase sing jenenge Joko. Pas ketemu arek loro iku podho kagete mergo Tedjo ambek Joko podho-podho sirae petal, raine gosong ambek untune yo podho bogange.

Arek loro iku takok takokan opoko kok isok podho remuk e.

Tedjo cerito lek raine rusak, sirae petal, ambek untune ompong mergo melu nulungi kebakaran,  nyemprot omah kobongan ambek mangap.

”Pas aku mangap dhadhak onok elpiji mbledhos” jare Tedjo. 

Mari ngono Tedjo takok nang Joko ginio kok sirae petal.

”Mari teraweh aku nyumet mercon ambek rokok. Mari tak sumet, mercone tak sawatno wong dhodhol soto terus ndhelik ambek ngisep rokok. Dhadhak wonge ngerti, aku diuber terus sirahku digepuki pikulane soto” jare Joko.

”Lha lek raimu opoko kok gosong” takok Tedjo maneh.

”Mari sirahku waras, aku merconan maneh. Mari tak sumet ambek rokok, mercone tak sawatno wong dhodhol bakso terus dhelik maneh ambek ngisep rokok. Dhadhak aku ketemon maneh, aku diuber mari ngono disiram dhudhuhe bakso” jare Joko.

”Wok nemen kon iku, ngono yo gak kapok. Lha lek untumu opoko kok prothol kabeh ?” takok Tedjo maneh.

”Oo lek iki seje ceritone. Pas katene nyumet mercon dhadhak onok arek pacaran liwat”

”Kapok kon, mulakno tah ojok seneng nginceng. Paling kon digibheng ambek sing lanang ” jare Tedjo kemeruh.

”Gak ngono ceritone . .” jare Joko.

”laa piye ceritane . .?” takok Tedjo.

”Aku lali . . . mercon e tak akep......Rokokku sing tak sawatno. . .”